სასახლეები

ამ გვერდზე თქვენ შეგიძლიათ დაათვალიეროთ გარდაცვლილის სასახლეები. ჩვენ გთავაზობთ 50 - ზე მეტ სხვადასხვა სტილის და მოდელის სასახლეს. დეტალური ინფორმაციისთვის დაგვიკავშირდით ჩვენ საკონტაქტო ნომერზე.

ხარისხიანი პროდუქცია

ჩვენ ვამზადებთ სხვადასხვა სტილის, დიზაინის და მოდელის სასახლეებს:

• ქართული - 350 ლარიდან;
• იტალიური - 450 ლარიდან;
• ამერიკული - 2000 ლარიდან;
• ესპანური - ფასი შეთანხმებით.

როდესაც ჩვენი საყვარელი ადამიანი ტოვებს ამქვეყნიურ ცხოვრებას, როგორ შეიძლება გავაცილოთ ის იმქვეყნიური ცხოვრებისკენ მიმავალ გზაზე? რა თქმა უნდა, საჭიროა ზრუნვა მისი სხეულის ღირსეული განსასვენებლისთვის, კუბოს შეკვეთა და ასევე, ზრუნვა მისი სულისთვის.გარდაცვლილის სულისთვის ლოცვა ცალკე თემაა, ამჯერად კი სასახლეებზე ვისაუბროთ, რომლებისთვისაც არ ვიშურებთ ფინანსებს, რათა ის საუკეთესო იყოს ჩვენი ახლობლისთვის, ეს ხომ სიყვარულის გამოვლინების გარდა, ღირსების საკითხიცაა.

საუკუნეების განმავლობაში მიცვალებულის სასახლეები სტანდარტული ფორმის იყო. როგორც ამბობენ, ოთხი ფიცრისგან შეკრული ყუთი. თუმცა დღეს სასახლის დამზადება ძალიან მრავალფეროვნად ხდება, იმდენად ორიგინალური ჩასასვენებელი კუბოები გამოჩნდა ბაზარზე, რომ გამოფენებიც კი ეწყობა.

ამ მხრივ ცნობილები არიან განელები, ორიგინალური სასახლეების დამზადება როგორც იდეა კი მას შემდეგ გაჩნდა, რაც გასულ საუკუნეში განის ერთ-ერთმა მმართველმა იმისთვის, რომ მისი საჯარო გამოსვლები უფრო ეფექტური ყოფილიყო, თავისთვის არწივის ფორმის ტახტრევანი შეუკვეთა. ბედის ირონიით, მზა ტახტრევანი სწორედ მისი გარდაცვალების დღეს მიუტანეს ოჯახს. ბევრი იფიქრეს თუ ცოტა, ოჯახის წევრებმა სურვილი მაინც აუსრულეს მონარქს, ტახტრევანისთვის სახურავიც დაამზადებინეს და ასეთი ორიგინალური ტრანსპორტით გაამგზავრეს იგი იმქვეყნად.

ასეთი ორიგინალური სასახლის იდეა ისე მოეწონათ განელებს, რომ მას შემდეგ სხვადასხვა დიზაინის კუბოების დამზადება დაიწყეს, გაითქვეს სახელი და უმზადებენ არა მარტო ადგილობრივებს, არამედ შეკვეთებს იღებენ მსოფლიოს სხვადასხვა კუთხიდან. დიზაინს კი იმის მიხედვით ქმნიან, თუ რა პროფესიის იყო ესა თუ ის ადამიანი ცხოვრებაში ან რა მიდრეკილებები ჰქონდა. მაგალითად, წარმოიდგინეთ, ქუჩაში ჩაგიარათ სამგლოვიარო პროცესიამ, რომელსაც ფეხსაცმლის ფორმის ჩასასვენებელი სასახლე წაუმძღვარებია წინ. დარწმუნებული იყავით, რომ მასში ჩასვენებული მიცვალებული მეწაღე იყო ან ფეხსაცმელების ბიზნესი ჰქონდა.

თუ თვითმფრინავი ჩაატარეს, მისი ბინადარი აეროპორტში დასაქმებული ადამიანი იყო, ან მოგზაურობაში ატარებდა ცხოვრებას. ძალიან შთამბეჭდავი ეპიზოდი იყო, როცა ერთ-ერთი მაღალჩინოსანი სამარეში მერსედესის ფორმის სასახლით ჩაუშვეს, რაც მისი სტატუსის ხაზგასასმელად საუკეთესო ვარიანტი იყო.

როგორ ფიქრობთ, ვინ იქნება ჩასვენებული ქათმის ფორმის სასახლეში? - ქათმების ფერმის მფლობელი ან მრავალშვილიანი დედა.

რამდენჯერ შესწრებიხართ შემთხვევას, როცა მიცვალებულისთვის ოჯახის წევრებს სიგარეტი ან სასმელი ჩაუყოლებიათ - უყვარდა ამ საცოდავს და იქაც არ მოაკლდესო. ამ ლოგიკით, წარმოიდგინეთ, რა ბედნიერი იქნება მიცვალებული, სიგარეტის კოლოფის ან ლუდის ქილის ფორმის სასახლეში რომ ჩააწვინონ. მსგავსი დიზაინის მიცვალებულის კუბოები ინგლისში ძალიან პოპულარულია და მათი ფასი 500 ფუნტს აღემატება.

ჩასასვენებელი სასახლეები დიზაინერებმა კომპიუტერდამოკიდებულ ადამიანებზეც მოარგეს, რომლებიც ამ მოწყობილობასთან ათენ-აღამებენ და მათთვის სპეციალური სასახლე შექმნეს - მონიტორით, კლავიატურითა და მაუსით. იმკითხავე ახლა, ეს საჩუქარი იქნება გეიმერებისთვის თუ საუკუნო წყევლა.

რაც შეეხება ყველაზე ძვირად ღირებულ სასახლეებს, ერთ-ერთი მათგანი პოპის მეფე მაიკლ ჯექსონს ეკუთვნის - 25 000-დოლარიანი ბრინჯაოს მიცვალებულის კუბო, რომელიც ძვირფასი თვლებითაა მოოჭვილი და 14-კარატიანი ოქროს დეტალებითაა გაფორმებული.

კუბოების დამზადება შეკვეთით

მართლმადიდებლურ სამყაროში სიკვდილი დასასრული კი არ არის, არამედ სულის ერთი სამყაროდან მეორეში, მარადიულში გადასვლა. ამიტომ სჭირდება გარდაცვლილს გაპატიოსნება და ღირსეულად გაცილება. ეს რიტუალი კი მრავალი პროცედურის შესრულებას მოითხოვს, სასახლის შეკვეთა კი ერთ-ერთი უმთავრესი პროცედურის ნაწილია.

რატომ გამოიყენება გარდაცვლილის ჩასასვენებელი კუბო? ძველქართულად კუბო მაღალი სოციალური ფენისთვის განკუთვნილ თაღიან საწოლს ან მოძრავ ტახტრევანს ჰქვია. აქედან გამომდინარე, გარდაცვლილის იმქვეყნიურ სამყაროში გაცილება ქრისტიანთათვის იმდენად დიდ მნიშვნელობას ატარებს, რომ ცხედრის ჩასასვენებელს კუბო, იგივე მიცვალებულის სასახლე უწოდეს. და რაც უფრო შეძლებულია ჭირისუფალი, მით უფრო ძვირფასია გარდაცვლილის კუბო.

ჩასასვენებელი კუბო სხვადასხვა მასალისგან მზადდება, როგორც ხის განსხვავებული სახეობებისგან (კაკალი, მუხა, წიფელი, ფიჭვი, ისე თუთიისგან. ეს უკანასკნელი გარდაცვლილის შორ მანძილზე ტრანსპორტირებისას ან იმ შემთხვევაში გამოიყენება, თუ ცხედარი ძალიან არის გახრწნილი.

კუბოს დამზადება

ბოლო დროს ძალიან პოპულარული გახდა უჩვეულოდ გაფორმებული კუბო. როგორ მოდელს აღარ შეხვდებით: სხვადასხვა პრესტიჟული მანქანის ანალოგს, ძვირფასი ლითონითა და თვლებით გაფორმებულს. ამით გარდაცვლილის ახლობელი არა მხოლოდ სიყვარულსა და ზრუნვას გამოხატავს დაკარგული ადამიანის მიმართ, არამედ თავის სოციალურ სტატუსსაც უსვამს ხაზს. გარდა ამისა, ზოგს სჯერა, რომ იმქვეყნიური მოგზაურობისთვის გარდაცვლილს კომფორტული ტრანსპორტი სჭირდება.

ხის კუბო

საიტზე არსებულ კატალოგში შეგიძლიათ აირჩიოთ თქვენთვის სასურველი მოდელი და ჩვენ დაუყოვნებლივ მოგიტანთ მას. ჩვენი პროფესიონალი თანამშრომლები დაწვრილებით ინფორმაციას მოგაწვდიან თითოეული მოდელის შესახებ და ზომის შერჩევაშიც დაგეხმარებიან.

ჩვენ ვითვალისწინებთ ყველანაირი შესაძლებლობის მქონე ჭირისუფლის მოთხოვნებს და გვერწმუნეთ, უკმაყოფილო და იმედგაცრუებული არავინ დაგვიტოვებია..

კუბოები შეკვეთით

ჩვენი დამკრძალავი ბიურო თავის მომსახურების არეალს მთელი ქვეყნის მასშტაბით ავრცელებს და დაკრძალვასთან დაკავშირებით ყველანაირ სერვისს ახორციელებს, იქნება ეს გარდაცვლილის კუბოები თავისი ატრიბუტებით, კატაფალკა თუ საფლავის მოპირკეთება.

ამ სფეროში ჩვენი მრავალწლიანი გამოცდილება და მუდმივად განვითარებაზე ზრუნვა საშუალებას გვაძლევს, ზედმიწევნით მაღალ დონეზე შევასრულოთ დაკისრებული, ფრიად საპასუხისმგებლო ამოცანა და ჭირისუფლის ყველა სურვილი და მოთხოვნა დავაკმაყოფილოთ.

დაგვიკავშირდით საიტზე მითითებულ ნომერზე და ჩვენ ჩვეული გულისხმიერებით მოვეკიდებით თქვენს ტკივილსა და საზრუნავს.

გარდაცვლილის ჩასასვენებელი სასახლე

სასახლეები შეკვეთით დღეს უკვე იმდენად მრავალფეროვანია, რომ სარიტუალო მომსახურების ინდუსტრია გარდაცვლილის ჭირისუფალს ძალიან დიდ არჩევანს სთავაზობს. იმდენად შორს წავიდნენ მწარმოებლები, რომ თუ ფინანსური მდგომარეობა ხელს გიწყობს, შეგიძლია შენი საყვარელი ადამიანისთვის დაამზადებინო საკმაოდ ძვირად ღირებული კუბო შეკვეთით რომელიც იქნება: სვაროვსკის თვლებით მოოჭვილი, ოქროს დეტალებით გაფორმებული,ფერარის და მერსედესის ფორმის მოდელები.

გარდაცვლილის სასახლე თბილისში

საეჭვოა, მდიდრული სასახლე შეკვეთით რაიმე ღირებულებას წარმოადგენდეს გარდაცვლილისთვის, მაგრამ სამაგიეროდ, მისი ახლობელი ხაზს გაუსვამს თავის სოციალურ სტატუსს და უკანასკნელად მოიხდის მის წინაშე ვალს პირნათლად

რაც შეეხება მასალას, მიცვალებულის ჩასასვენებელი შეიძლება დამზადდეს კაკლის ხისგან, მუხისგან, ფიჭვისგან და ხის სხვა სახეობებისგან. ფასებიც შესაბამისი აქვს. გარდა ამისა, ზოგი გალაქულ ჩასასვენებელს ანიჭებს უპირატესობას, ზოგი - გლუვზედაპირიანს.

ხის ჩასასვენებელი სასახლე

არსებობს ბარელიეფური გარდაცვლილის სასახლე, ნახევრად გამჭვირვალე სახურავიანი ზოგი ჭირისუფლის მოთხოვნაა, სასახლეს ორმაგი სახურავი ჰქონდეს - ერთი გამჭვირვალე და მეორე - დახურული.

დიდი არჩევანია ფერებშიც: წითელი, მუქი და ღია ხისფერი, შავი, თეთრი ამ უკანასკნელს, ძირითადად, ელიტურ წრეებში ანიჭებენ უპირატესობას.

უწინ დაკრძალვის დროს სასახლეს სახურავს ლურსმნებით აჭედებდნენ და ეს იყო ყველაზე შემზარავი ხმა ჭირისუფლისთვის. დღეს უკვე შეგვიძლია ისეთი კუბოების შეკვეთა რომელსაც ავტომატურად ეხურება სახურავი. არსებობს მოდელები, რომლებიც გასაღებით იკეტება.

გარდაცვლილის ჩასასვენებელი

რაც შეეხება ფორმას, მართლმადიდებლებში გარდაცვლილის ჩასასვენებლად ტრაპეციული სასახლე გამოიყენება (ზედა მხარე განიერი, ფეხებთან ვიწრო). კათოლიკეების სასახლე ექვსწახნაგაა - ყველაზე განიერი მხრების გასწვრივაა, შედარებით ვიწრო - თავისა და ფეხების მხარეს. მუსულმანების სასახლე კი ჩვეულებრივი მართკუთხედის ფორმისაა, ყოველგვარი გაფორმების გარეშე.

მიცვალებულის სასახლე

ჩვენს კატალოგში შეგიძლიათ აირჩიოთ თქვენთვის სასურველი მოდელი, განახორციელოთ სასახლეების შეკვეთა და ჩვენი თანამშრომლები უმოკლეს დროში მოგიტანენ ადგილზე. დაგვირეკეთ საიტზე მითითებულ ნომერზე, გაეცანით ჩვენი მომსახურების კატეგორიებს - ჩვენ ვზრუნავთ დამწუხრებულ ადამიანებზე და ყველა სახის სერვისს ვთავაზობთ, რაც კი შეიძლება დასჭირდეს ამ მძიმე წუთებში. ჩვენი მრავალწლიანი არსებობის მანძილზე იმედი არავისთვის გაგვიცრუებია, რადგან ჩვენს საქმიანობაში პრიორიტეტი თანაგრძნობა და კლიენტის მოთხოვნების თუ სოციალური ფაქტორის გათვალისწინებაა.

Keywords: chasasvenebeli kubo sasaxle sasaxlis gardacvlilis micvalebulis shekvetit sasaxleebi kuboebi kubos shekveta kuboebis damzadeba sasaxleebis.